Yven
Heid

Von Mami 17.12.2023 um 09:11 Uhr | melden

Hoi mi kleine / grosse Bueb das wärsch jetzt nämlich Yven sorry das ich erst jetzt schrieb aber du weisch wies mir an dem Tag goht es vergoht kei Tag ohni das ich an dich denk aber de Tag isch dr aller schlimmst den kreise mini Gedanke immer an die schlimme s Zene dört wo ich dich zum letzte mol gseh ha und mir bewusst worde isch das ich dich nie meh dörf gse das ich dich zum letzte mol dörf berührte dich zum letzte mol dörf küsse dis wunderschöne Gsicht wo voller Neugierig und Läbe gsi isch nie me darf aluege dini Stimm nie me dörf höre du mi nie me zum lache chasch bringe oder ich dich !! Es isch Alptraum wo unendlich goht einfach nie me ufhört das alles isch uns verwehrt worde frog mich wirklich jede Tag ufs neue warum ? Warum het mir Gott eine vo mine schönschti Engel müesse ne er het doch soviel dert obe es git ei Regle für mi Kinder sötte nie vor de Eltere müesse go niemols ! Ich frog mich immer wieder was wär us dir worde wie wärsch hüt so als erwachsene Maa ich seh dich immer wieder vor mir wie de immer gsunge hesch und so e fröhliche Bueb gsi bisch mir in Moment an minere Site gsi bisch wo du stärker gsi bisch als ich und mich tröstet hesch wenn’s mir mol nid so guet gange isch hesch du mich zum lache brocht und hesch mir so oft gseit Mami es wird alles wieder guet mir zämme sind go spaziere und dert am Rhy gseit hesch das mol e Zigarette graucht hesch de Moment vergiss ich nie wo mir uf dem Steg gsässe sind und du mir das offe und ehrlich gseit hesch innerlich bini natürlich scho gschockt gsi aber bin nid bös uf dich gsi weil du mir d Wohrheit gseit hesch das ha ich so schön gfunde das du mir das verzelt hesch aber das bisch du gsi einfach ehrlich ich würd gern nomol Zyt chöne retour dreie zu dem 16 Dezember ich würd dich kei Minute us mine Auge lo aber wär würd das nid gärn mache wo e geliebts Kind verloren het alli natürlich min Sunneschin ! Ich hoff das du uf alli ufpasse duesch und voralem uf dini Gschwüschter du lebsch bi uns wieter du bisch bi uns immer do egal in mine Gedanke bisch immer bi uns Baby ich Lieb dich us mim tiefste Herz und das wird nie vergoh nid 1 Sekunde weniger ich denk immer an dich und das wird au immer so bliebe in Ewiger Liebi dis Mami und Familie ♥️♥️♥️♥️♥️♥️♥️♥️♥️♥️♥️♥️♥️