Yven
Heid

Von Papi flavio 16.12.2014 um 23:13 Uhr | melden

Hoy min kleine engel. 5johr isch es scho her als du uns verloh hesch und jede dag mehr fehlsch du uns so sehr. Mir vermisse dich alli so abgöttisch fest. Es duet so weh gseh das du nüm bi uns bisch und mir dich nit in arm könne neh. De gedanke und errinerig an dich lost uns das alles überhaupt zertrage. Ich kas nit verstoh das so öbis het müsse passiere und könnt ichs ändere würd i sofort mi läbe geh damit du dies do bi uns könntisch witer führe. I wünscht mir nix mehr uf dere welt als dich wieder lebändig zmache. Wenni gschicht hör wie u hesch müsse vo uns goh do bliebt mir fast mi herz stoh. Es duet so weh tief i mim herze. Au wenn i nur in stief papi bi i lieb di, allegra und de janic als wäred ihr mini eigene. I weiss dini gross schwester vanja passt guet uf di uf dört obe. Au sie vermisse mir alli. Ihr sind unseri 2 engel wo jede dag über uns wachet. Ich hoff du gisch em mami kraft die däg züberstoh. Sie isch mi ganze stolz und mi frau fürs läbe. I dänk no so oft an unseri ersti begegnig im stücki. Du bisch so liebevoll und erwachse zu mir gsie und hesch mir zeigt das i willkomme bi. I setzt alles dra di mami glücklich zmache und i versprich dir hoch und heilig immer treu und erlich zu dim mami zluege und sie. De hütig dag isch für alli do unte so schwer und du weisch wie sehr mir alli dich liebe und vermisse. Au dini kleine gschwüsterti vermisse dich. Es wird de dag ko wo mir alli wieder vereint wärde sie und ich dich in arm ka schliesse. Du bisch min kleine engel und i lieb di us tiefstem herze. Di papi flavio